لاہور۔7فروری(اے پی پی):مسلم لیگ ن دے مرکزی رہنما و وفاقی وزیر ریلوے خواجہ سعد رفیق آکھیے جو میݙی ذاتی رائے ہے جو پورے ملک اچ عام انتخابات تھیوݨے چاہیدن ،انڄ انڄ صوبائی و قومی انتخابات دا انعقاد مناسب نی لڳدا ، ایں ویلھے ملک انڄ انڄ انتخابات دا متحمل نی تھی سڳدا ۔منگل کوں لاہور اچ احتساب عدالت دے ٻاہروں میڈیا نال ڳالھ مہاڑ کریندے ہوئیں وفاقی وزیر ریلوے آکھیے اساں الیکشن توں بھڄݨ نی چاہندے ، بدترین حالات اچ وی الیکشن لڑیے تے پی ڈی ایم دی وی کوئی جماعت الیکشن توں نی بھڄدی ، مخصوص حالات اچ پہلے وی کئی واری ایویں تھئے جو انتخابات اڳوں ڳئن ، محترمہ بینظیر بھٹو دی شہادت ویلھے وی الیکشن دی تاریخ بدالی ڳئی ہئی۔ خواجہ سعد رفیق آکھیے تعجب اے جو پہلے بغیر کہیں وجہ دے عمران خان اسمبلیاں بھن ݙتیاں تے ہݨ آکھدے پئن جو الیکشن کروائو، الیکشن کوئی کھیݙ کائنی ملک پہلے ہی معاشی بحران دا شکار اے، معاشی بحران وی سیلاب وانڳوں اے جیں پورے ملک کوں وکیڑاچ ڳھدا ہویا اے ملک اچ اڄوکی دہشت گردی دے واقعات دا ذکر کریندے ہوئیں خواجہ سعد رفیق آکھیے دہشتگردی دے خلاف جنگ اچ پوری قوم کوں ھک مٹھ تھیوݨا چاہیدے ، پی ٹی آئی کوں اے پی سی اچ شرکت کرݨی چاہیدی اے، پی ٹی آئی کوں سنجیدگی دا مظاہرہ کرݨا چاہیدے، دہشتگردی دے خلاف ھک پالیسی تے ساریں کوں کٹھا تھیوݨا چاہیدے ، ایندے وچ ملک و قوم دی بہتری اے، ملک ہے تاں سارا کجھ اے ۔
ذاتی رائے ہے جو ملک اچ عام انتخابات تھیوݨے چاہیدن، خواجہ سعد رفیق
لاہور۔7فروری(اے پی پی):مسلم لیگ ن دے مرکزی رہنما و وفاقی وزیر ریلوے خواجہ سعد رفیق آکھیے جو میݙی ذاتی رائے ہے جو پورے ملک...
مضمون کا ماخذ : اولمپس کے خدا
